主页 > Y轻生活 >冒死求证5大测试!千祈唔好带女朋友去首尔着 韩服 ? >

冒死求证5大测试!千祈唔好带女朋友去首尔着 韩服 ?

2020-06-18

网络潮文叫大家千祈唔好带女朋友去日本着和服,其实去首尔着 韩服 亦一样!事关除咗会被私有化做奴隶摄影师用尽每一分钟狂影,为咗件传说中粉红色款更要捱更抵夜去排队,情况仲惨过留喺香港OT,实在讲出一众男士心声,难怪赢尽掌声!本着「我不入地狱,谁入地狱呢」的心态,我决定亲自出马,带住由靓女Model Yoshi扮演公主病女友(那有女……)上路,仲唔喺去景福宫斋影咁简单,而係做晒港女去首尔如买妆物、行弘大、街边怒食等必做潮事,究竟会唔会顶唔顺黑面走人?其实虾碌场面超多好好笑,即刻睇睇啦!

Text: A君的泡菜日誌 | Photo: Woody

冒死求证5大测试!千祈唔好带女朋友去首尔着 韩服 ?

01 |粉红色韩服?真係可遇不可求!

既然要挑战,当然要玩到最尽!为咗着到港女最爱的粉红色款,全世界早15分钟到达 韩服 店,点知竟然开咗门,舖内仲要劲多人,人潮夸张过名牌店1折开仓!唯有快手冲入去搵搵粉红色款,可惜已经全部租出,任务失败!Yoshi当然即刻扁咀,好彩仲见到件粉蓝色款,唯有顶住先。舖入边只有3个更衣室,唔想等只好就地换衫,不过挷腰带,紥胸口蝴蝶结等都非常考功夫,好彩店员肯帮帮忙!几经辛苦终于着好 韩服 ,原来仲要面对另一个挑战-Set头,Yoshi自己整咗15分钟依然披头散髮,店员手势亦麻麻地,胆粗粗问在场韩妹可否帮个忙,竟然一口应承,仲5分钟搞掂,而且髮型Set得又靓又传统,简直喺救星!由拣衫到俾钱走人,竟然已经用咗2个钟!讲真……我开始累鸟……

冒死求证5大测试!千祈唔好带女朋友去首尔着 韩服 ?
哇……10点开门已经劲多人,啲靓款已经被人拎晒啦!
冒死求证5大测试!千祈唔好带女朋友去首尔着 韩服 ?
韩服有传统的打结手法,唔识就记得搵职员帮手,千祈咪乱整个蝴蝶结呀!
冒死求证5大测试!千祈唔好带女朋友去首尔着 韩服 ?
整头髮绝对最麻烦,就连职员都搞唔掂,好彩够胆叫在场韩妹帮帮手,想靓就唔好怕羞啦!
冒死求证5大测试!千祈唔好带女朋友去首尔着 韩服 ?
又有一个男朋友中伏鸟……仲要情侣装,祝你好运!
冒死求证5大测试!千祈唔好带女朋友去首尔着 韩服 ?
哈哈哈哈哈哈哈!传说中的粉红色韩服喺属于我的!(设计对白)
02 |搭地铁无问题!骑呢Pose挑逗呀叔!

问过朋友仔,好多人着 韩服 都会以的士代步,难得Yoshi想体验当地文化搭地铁,我当然奉陪到底!以为会有好多人投以奇怪目光,点知完全无人理!其实韩国人非常习惯旅客着 韩服 周围去,所以唔好再惊尴尬,剩係去景福宫、北村等景点,着住去弘大行街都唔怕!等车时,Yoshi本住一生人一次的机会,大胆尝试以骑呢Pose挑逗呀叔,可惜呀叔见怪不怪,毫无反应,劲好笑!不过着住 韩服 周围走真係唔多方便,除咗焗到成身汗,行路时要拎起裙尾,挷鞋带要伸高只脚,非常麻烦,Yoshi都话:「一次就够」!

冒死求证5大测试!千祈唔好带女朋友去首尔着 韩服 ?
以为搭地铁会好尴尬俾人望?错!就算摆骑呢Post都完全无人理!
冒死求证5大测试!千祈唔好带女朋友去首尔着 韩服 ?
着韩服都记得要排队呀!
冒死求证5大测试!千祈唔好带女朋友去首尔着 韩服 ?
为了唔好整污糟条裙,一边行要一边拎起裙尾,仲要劲晒,港女都顶唔顺!
冒死求证5大测试!千祈唔好带女朋友去首尔着 韩服 ?
韩服裙摆超级长,贪靓Yoshi想影相时睇落高啲竟然挑战高踭鞋,点知挷鞋带要伸高只脚,好辛苦!
03 |烈日当空个妆溶啦……入化妆店补补妆!

行左1个钟,Yoshi突然叫停,唔通我终于可以甩难?错!原来佢只係想补补妆后继续影……为咗唔好辛苦公主大人,我提议去化妆品店试妆仲方便!行多两步真係有间舖,当然入去试试成唔成功啦。入到去,韩仔化妆师立即上前招呼,睇完妆物后多口问佢着 韩服 行化妆品店喺咪好怪?韩仔话原来好普遍,仲即刻帮Yoshi化个新妆,话粉橙色胭脂同唇膏先衬粉蓝色 韩服 ,事后更要求自拍合照,咁好服务,Yoshi当然失控狂买,原来哄女仔都可以好简单……

冒死求证5大测试!千祈唔好带女朋友去首尔着 韩服 ?
着韩服都改变唔到港女本色,一见到化妆品就失控了!不过都係,无人觉得古怪!
冒死求证5大测试!千祈唔好带女朋友去首尔着 韩服 ?
叫韩仔化妆师帮手补妆完全无难度,仲教路粉橙唇膏先衬韩服!
冒死求证5大测试!千祈唔好带女朋友去首尔着 韩服 ?
事后仲要合照,作为男朋友(假扮但好入戏)的我真係睇到眼冤!
04 |好肚饿!街边粗鲁食鱼串!

行多阵,Yoshi又出招,话好肚饿喎……当然要满足公主大人的要求,不过临近食饭时间好多人,唯有食住街边小食顶顶肚先!去到档口,全部人立即弹开,连老闆到出嚟问问我地係咪要食,原来佢话好少人会着住 韩服 企街边食嘢,因为怕整污糟件衫要赔钱!不过Yoshi有理无理食咗先讲,仲要劲粗鲁,难为我要随时準备纸巾阻挡滴下的酱汁,场面好惊险!最后老闆又要合照,证明着韩服企街边食嘢,实在太骑呢!

冒死求证5大测试!千祈唔好带女朋友去首尔着 韩服 ?
肚饿就完全唔会理人目光,粗鲁狂食,你睇……旁边韩仔韩妹即刻行开呀!
冒死求证5大测试!千祈唔好带女朋友去首尔着 韩服 ?
尽情狂食,难为我要随时準备纸巾!
冒死求证5大测试!千祈唔好带女朋友去首尔着 韩服 ?
老闆事后狂问我地做咩要着韩服企街边,不能曝露身份的我唯有答:「佢真係好肚饿……」
05 | 自拍影相是常识!Oppa~可以跟我合照吗?

既然Yoshi咁锺意影相,我决定打大佬,带佢去弘大影!吓?咁简单?错!喺去弘大捉Oppa齐齐影!去到其实有啲怯,因为韩国仔仔牛高马大,如果佢出拳,我唯有毫不反抗以肉体照单全收……幸好Yoshi美色搭救,Oppa回头率高企,上前话想合照更0.1秒应承,就连正经军人Oppa都唔放过,非常夸张!影完相问两句,佢地都话好少见女仔会着住 韩服 行弘大,不过佢地都觉得女仔着 韩服 时特别吸引,难怪合照无难度啦!企得越耐,情况开始失控,竟然有Oppa上前抄牌,可见Yoshi魅力惊人,所以奉献各位男朋友,唔想Honey被韩仔评头品足,就真係「千祈唔好带女朋友去首尔着韩服」啦!

冒死求证5大测试!千祈唔好带女朋友去首尔着 韩服 ?
Yoshi:「估唔到好容易同韩仔Oppa合照!」
冒死求证5大测试!千祈唔好带女朋友去首尔着 韩服 ?
大只KyungMuk :「好少女仔会着韩服行弘大,所以觉得好特别,路过见到一定会望望!」
冒死求证5大测试!千祈唔好带女朋友去首尔着 韩服 ?
军人SungYu :「万岁!韩服係韩国男人心目中能够突显女人温柔的感觉。」
冒死求证5大测试!千祈唔好带女朋友去首尔着 韩服 ?
型男DongChan : 「好多朋友仔着韩服都会去三清洞、北村等传统地方,喺弘大街头先到真係好特别!」
冒死求证5大测试!千祈唔好带女朋友去首尔着 韩服 ?
鬆弛熊都主动话要合照!
记者点评 |咪再去老套景点

「其实同女朋友去首尔着韩服就真係预咗辛苦,不过与其去传统景点斋影,宁愿直接着去行街,测试证明无人会笑你,所以唔洗怕尴尬!一次过KO着韩服+Shopping两大行程,之后咪可以叫女朋友陪你行波鞋舖啰!」

 

One Day Hanbok

地址:서울특별시 중구 퇴계로 213 일흥빌딩 3층 303호 (首尔市中区退溪路213 3楼303室)

电话:+82-(0)70-4202-4310

营业时间:10am-8pm

收费:₩13,000 / HK$90(4小时)、₩26,000 / HK$180(24小时)

网址

交通:乘地铁 3号线忠武路站8号出口步行约5分钟


上一篇: 下一篇:

相关推荐