主页 > Y轻生活 >名古屋矢场味噌猪扒! 杀入台北 >

名古屋矢场味噌猪扒! 杀入台北

2020-06-24

嚟紧去台北嘅朋友仔又有口福啦,事关来自名古屋近70年历史嘅矢场味噌猪扒(矢场とん) 已经登陆台北!仲未听过?但係炸猪扒狂迷就一定听过!矢场味噌猪扒人气程度爆灯,近年更成为咗「名古屋必食之物」之一!早前喺名古屋食过嘅网民更表示,呢块用上等南九州嘅国产猪五花肉炸的猪扒,配上鹹中带甜之味噌酱汁,简直係极品中嘅极品!讲完之后都即刻去试下係咪真係好食到呢个程度!好在而家唔驶飞咁远,坐一个钟飞机就到嘅台北就食到,Bookmarked!(记者:又无香港份……)

味噌里肌猪扒

呢款就係邪恶之名物-矢场味噌里肌猪扒啦!矢场嘅里肌猪扒为猪只背脊至后腰部分,肉质结实且油份高,此上等级嘅猪肉卖点为劲Juicy,所以配上炸衣都唔易食腻;加上红味噌嘅配合,应该好易食完一碗饭!

名古屋矢场味噌猪扒! 杀入台北
单点价为台币$240,约港币$56;定食价为台币$320,约港币$75

呢个size唔够食?台湾店亦有推出特大size,猪扒份量为普通版本嘅两倍!仲可以一边味噌,一边特製猪扒酱,双酱齐上,一试过食哂两种味!另外,亦可加配定食套餐,有齐溃物、米饭同猪肉味噌汤,食完实捧住个肚走!

名古屋矢场味噌猪扒! 杀入台北
单点价为台币$320,约港币$75;定食价为台币$400,约港币$94
铁板味噌腰内猪扒

同为腰间部分嘅腰内肉,虽然次于里肌肉一级,但係热量係各猪只部分中最低,肉质亦较细緻,猪扒狂迷嘅朋友不妨一试!

名古屋矢场味噌猪扒! 杀入台北
单点价为台币$420,约港币$98;定食价为台币$340,约港币$79

矢场とん唔止得炸猪扒出名㗎,呢度仲有其他单点炸物都好得食客欢心~哗!睇嚟真係去食之前真係要饮定杯凉茶打底!

招牌特大虎虾

差唔多间间和食屋都一定会有炸虾呢味菜式,但嚟到矢场とん,又想试试佢地嘅炸粉夹虾嘅效果会係点!

 

名古屋矢场味噌猪扒! 杀入台北
单点每只为台币$140,约港币$33
鲜肉芦荀卷

以薄薄嘅肉片包住芦笋,感觉上无咁热气嘅!

名古屋矢场味噌猪扒! 杀入台北

矢场とん喺今个星期(至2月21日),一连四日都有开幕嘅限定优惠,就係优惠当日头100名食客入店消费即可免费得到小食一碟,错过咗头两个优惠唔紧要!今个星期六、日去都有得享用,嚟紧会去炖猪肉同蟹肉炸饼,都唔错喎!快啲通知呢两日将会或已经身处台北嘅朋友仔啦!

名古屋矢场味噌猪扒! 杀入台北

赶唔切呢两日去嘅朋友仔唔紧要,赶得切喺嚟紧呢个礼拜去嘅都有嘢带得走嘅~食够港纸$140就可以拎到只铺头icon嘅猪仔杯,食够$350就有猪仔环保袋,记者表示好想要只猪仔杯呀!

名古屋矢场味噌猪扒! 杀入台北

矢场味噌猪排东门店

地址:中正区信义路二段171号1楼

电话:02-2341-8810


上一篇: 下一篇:

相关推荐