主页 > X生活禅 >名古屋四季花海任你睇 >

名古屋四季花海任你睇

2020-06-24

(Presented by Standard Chartered Bank)

讲到去日本赏花,好多香港人都可以话係专家。唔单止要做research睇返近几年边月边日开始开花,又要睇吓今年嘅温度同天气嚟评估吓啲花会唔会早开或者迟开,都真係几烦架。所以好似我呢啲咁懒嘅人,最啱都係去以下几个位于名古屋市,差唔多任何时候都有花睇嘅地方赏花啦!

「一年四季3D花海」名花之里

名古屋四季花海任你睇

名花之里基本上係分成温室内同温室外两个花花世界。首先介绍言个温室,喺呢个10万呎,暂时係全日本最大型嘅温室里面,种咗12000棵唔同品种嘅秋海棠,沿住条花路两边仲有一盆盆好似人头咁多嘅巨型秋海棠,唔单止咁,就连头顶都有另一种花身比较细嘅秋海棠从天而降,真係360度都畀唔同颜色嘅秋海棠围到实!

当你好唔容易咁喺温室同花海Selfie完,正想走返出室外抖返啖气嘅时候,你眼前会即刻出现一个有成43000平方米嘅花田,就算你望向边个方向都只会见到一望无际嘅花海。春天呢度会有鬰金香、夏天有绣球同菖蒲、秋天有大波斯菊、冬天仲会同场加映埋灯饰添!

挂喺温室天花嘅秋海棠,棵棵都好似人咁高!

名古屋四季花海任你睇

名古屋四季花海任你睇

室外同室内完全係两个感觉,小心Selfie到相机无电!

名古屋四季花海任你睇

名古屋四季花海任你睇

之前仲搞过麵包超人主题添!

名古屋四季花海任你睇

冬天夜晚仲有埋灯饰,不过一样睇到哗哗声!

名古屋四季花海任你睇

名古屋四季花海任你睇

なばなの里

地址:三重県桑名市长岛町驹江漆畑270

 

「公园嘅鬰金香海」国营木曾三川公园

名古屋四季花海任你睇

喺日本,除咗樱花最受欢迎之外,鬰金香一样都有唔少fans。而喺每年春天,当地大大小小嘅公园都会举办鬰金香祭,去睇花嘅人数绝对唔比赏樱嘅少。喺名古屋市附近就有个全国最大,横跨三个县嘅国营公园,喺里面赏花唔再係大人嘅专利,因为呢度有一位超受小朋友欢迎嘅巨星坐阵,佢就係超级Kawaii嘅Miffy啦!

名古屋四季花海任你睇

Miffy喺呢度唔单止受欢迎,就连官方都非常重视呢位大人物,每年都会专登为佢做一个有成2个篮球场咁大嘅Miffy花坛,每次都会动用到几万棵唔同品种嘅鬰金香去砌出多个Miffy图案,如果想一眼睇晒所有Miffy图案嘅话,最好就要上旁边高65米嘅展望台慢慢欣赏。另外仲有一个由116个品种,总共有13万棵鬰金香而砌成嘅无敌大花海,又要大把新相要upload上IG / fb啦!

第一眼睇呢张相以为係油画,但其实係实景嚟。

名古屋四季花海任你睇

名古屋四季花海任你睇

全个公园最高就係得呢个展望台,要从高而下欣赏花海就只有佢,所以成日都排长龙。

名古屋四季花海任你睇

呢度有好多好罕见嘅鬰金香品种,包括呢种淡紫色嘅鬰金香。

名古屋四季花海任你睇

国营木曾三川公园

地址:岐阜県海津市海津町油岛255-3

想疯狂喺花海Selfie?依家只要喺网上成功申请指定渣打信用卡,即有机会赢取HK$5,000旅游礼券,畀你免费飞去名古屋旅行兼赏花影相呃Like啦!

立即申请

名古屋四季花海任你睇

 


上一篇: 下一篇:

相关推荐